Prindërit shqtësohen se si ti ndihmojnë fëmijët që të heqin pampersin. Shumica e fëmijëve e heqin pampersin në fillim gjatë ditës e më pas gjatë natës. Deri në moshën tre vjeçare, një fëmije prodhon të njëjtën sasi urine natën si gjatë ditës. Koha e gjumit është një periudhë e gjatë për ta mbajtur, sidomos pasi shumë fëmijë akoma ndjehen të etur natën. Momentet kur një fëmijë arrin të mbajë urinën natën dhe se si kanë nevojë të mështeten ata, ndryshon nga fëmija në fëmijë.
Kur bëhen fëmijët të thatë gjatë natës? Si rregull i përgjithshëm, rreth moshës tre vjeçare, fëmijët tregojnë shenjat e para që duan të heqin dorë nga pampersi natën. Megjithatë, pasi çdo fëmijë zhvillohet me ritmin e tij. Mund të qëndroni të qetë dhe t’i jepni fëmijës tuaj kohën deri në ditëlindjen e tij të pestë.
Në këtë artikull, do të mësoni se si mund ta mbështesni fëmijën tuaj që të bëhet i thatë dhe si ta bëni këtë fazë sa më të qetë të mundshme. Do të lexoni kur një fëmijë duhet të jetë në gjendje të flejë pa pampers natën dhe cilët faktorë janë vendimtarë për t’u realizuar kjo.
Rreth moshës tre vjeçare, fëmijët tregojnë shenjat e para që nuk kanë nevojë për pampers natën. Nëse pampersi është rregullisht i thatë në mëngjes, kjo mund të jetë një shenjë se mund të filloni të provoni pa të. Idealisht, nxitja duhet të vijë nga fëmija që shpreh dëshirën për të qenë pa pampers natën. Kështu shmangni kalimin mbi fëmijën tuaj, duke i dhënë atij mundësinë për vetë-përcaktim dhe zakonisht duke kapur pikërisht momentin e duhur.
Ndihma duhet të kërkohet nga pediatri vetëm pasi fëmija të arrijë moshën pesë vjeçare për të përjashtuar ndonjë shkak fizik. Megjithatë, nuk duhet të shqetësoheni ose të ndiheni fajtorë. Ekspertët vlerësojnë se rreth 640,000 fëmijë midis moshës pesë dhe dhjetë vjeçare akoma lagen në shtrat natën.
Është e mundur që sistemi kompleks i kontrollit të fshikëzës të mos jetë zhvilluar plotësisht ose fëmija juaj mund të ketë trashëguar një tendencë për lagështi në shtrat. Flisni me pediatrin tuaj kur është e nevojshme dhe bëni të qartë për fëmijën tuaj se e mbështesni dhe do t’i jepni kohën që i nevojitet.
Fëmija juaj kur të kuptojë që ka nevojë të shkojë në tualet dhe çfarë ndjen kur bëhet i lagur është fillimi i kësaj rruge. Vetëm atëherë ata mund të mësojnë me kalimin e kohës të mbajnë urinën dhe të japin sinjale.
8 këshilla për të mbështetur fëmijën tuaj
- Shkoni në shtrat me një fshikëz të zbrazët.
- Larg pijeve të lëngjeve të ndryshme në orët e vona.
- Shmangni ushqimet e kripura, veçanërisht në mbrëmje.
- Mos i zgjoni natën për të shkuar në tualet.
- Kryejini nevojat para gjumit.
- Kujdesuni për veshjet mos të jenë të ngushta në bel
Gjithashtu mbani larg pampersat. Qëndroni të qetë më e rëndësishmja për të hequr pampersat natën ruani qetësinë. Mos e kritikon fëmijën tuaj nëse lagët në shtrat natën. Nëse krevati mbeti i thatë ose fëmija juaj shkoi në tualet vetë, është më mirë të shmangni lavdërimin, mund të perceptohet si presion.
Në vend të kësaj, mund t’i përshkruani fëmijës tuaj atë që ka arritur. Mund të pranojmë gjithashtu se si e arritën atë, duke u përqendruar më shumë në proces dhe më pak në rezultat. Kështu, fëmija juaj ruan argëtimin në proces dhe nuk ndjehet i gjykuar nëse ndonjëherë nuk shkon siç duhet. Kjo tregon se fëmijët mësojnë më shpejt dhe e gëzojnë më shumë. Po ashtu, tregoni fëmijës tuaj se e kuptoni që mund të jetë e vështirë kur gjërat nuk shkojnë aq mirë. Mbani mend gjithmonë se çdo fëmijë ka ritmin e tij, edhe kur bëhet fjalë për të bërë të thatë.
