7 simptomat e dryshimet të humorit tek fëmijët

Ndryshimet e humorit tek fëmijët, janë të ngjashme me çrregullime të tjera si depresioni, hiperaktiviteti etj. Një çrregullim i humorit është një gjendje e vërtetë mjekësore, jo diçka që një fëmijë mund ta “kapërcejë” vetë.

Prindërit, mund të vëzhgojnë dhe njohin kur një shfaqje e humorit nga një ekstrem në një tjetër nuk është normal, duke njohur simptomat e mëposhtme:

1. Humor i trishtuar

Simptoma kryesore e ndryshimit të humorit tek fëmijët është shfaqja e humorit të depresionuar, nervoz, i zemëruar ose një gjendje e përgjithshme e palumturisë.

Si ta kuptoni që nuk është një gjendje humori normal, pasi shfaqen këto shenja:

Emocioni shfaqet më intensiv se zakonisht;
Zgjat për një periudhë më të gjatë kohore;
Ndodh më shpesh;

Kohëzgjatja mund të jetë me ditë dhe me shumë orë brenda ditës, në varësi të zhvillimit të çrregullimit.

Një gjendje e humorit të rënduar nxit sipmtoma, që bëhen shkasë e fillimit të:

Depresionit madhor

Një humor i dëshpëruar ose nervoz, që zgjat të paktën dy javë.

Çrregullimi depresiv i vazhdueshëm (distimia)

Një gjendje e humorit depresiv kronik, që zgjat për të paktën 1 vit.

Çrregullimi bipolar.

Periudhat e ndryshimeve eksteme të humorit, në mënyrë të përsëritur. Një lumturi ekstreme e papritur, kalon shpjete në një mërzi dhe acarim të shtuar.

Çrregullime të personalitetit

Çrregullimet e personalitetit borderline (kufitar), mund të nxitet nga mos trajtimi në kohe i çregullimeve të humorit.

Kujdes, vetëm një psikolog ose mjek mund të përcaktojë një diagnozë. Leximi dhe njohja e shenjave ndihmon prindin të kuptojë kur duhet kërkuar ndihmë ose t’i shpjegojë më mirë simptomat profesionistit që do trajton fëmijën.

2. Probleme me sjelljen

Sjellja e fëmijës tuaj në shtëpi, në shkollë dhe me moshatarët bëhet problematike, nëse po vuan nga çrregullime të humorit.

Luhatjet e humorit, krijojnë konflikte të vazhdueshme me moshatarët dhe me çdo lloj marrdhënie që kanë apo krijojnë.

Arsyet për këtë janë, si më poshtë:

Paaftësi për të kontrrolluar sjelljen;
Shpërthimet e pakontrrrolluara të zemërimit;
Bëhen lehtësisht nervozë;
Fajësimi i të tjerëve;
Refuzon për të ndjekur rregullat;
Ka vështirësi në trajtimin e zhgënjimit;
Bullizmi ose ngacmimi i të tjerëve;
Mungesa e ndjeshmërisë për tjetrin;
Mungesa e pendimit;
Negativitet i vazhdueshëm;
Bezdi kronike;

Këto krijojnë shqetësime si për vetë fëmijën dhe për njerëzit që i rrethojnë duke rritur mundësinë e zhvillimit të sjelljeve problematike. Një mundësi tjetër është që fëmijët me luhatje humori të shkojnë drejt izolimit social.

Këshillohet një asistim i shpejtë i fëmijës nga një profesionist i shëndeti mendor, veçanërisht nëse shfaq këto shenja më me rrezik si:

Sjellje rebele ose me rrezik të lartë;
Duke ikur ose duke kërcënuar për të ikur nga shtëpia;
Shprehje të mendimeve vetëvrasëse;

3. Probleme konjitive

Studimet tregojnë se individët me çrregullime të humorit, kanë një çekuilibër kimik në tru, i cili shkakton probleme në përpunimin e informacionit brenda rrjeteve nervore.

Nga kjo gjerohen probleme të tjera të funksionimit konjitiv si:

Probleme ose dëmtim të kujtesës;
Mungesa e aftësive për zgjidhjen e problemeve;
Vështirësi me përqendrimin ose vëmendjen;
Probleme më të folurin;
Vështirësi me të menduarin;
Vështirësi me të kuptuarin, të shkruarit ose të lexuarit;

Nga kjo, fëmija has vështirësi në kryerjen e detyrave në shkollë dhe vende të tjera.

Nga kjo mund të pasojë një vetvlerësim i ulët për veten dhe rritje e vet-fajësimit, pasi nuk tregon aftësi si të tjerët në përmbushjen e detyrave.

4. Mungesë motivimi

Vihet re një ulje e dëshirës për të ndekur aktivitetet e përditshme, qofshin këto dhe aktivitetet që dikur i pëlqenin. Mungesa e motivimit është një simptomë kryesore e depresionit.

Ndryshimet emocionale nuk e lejojnë fëmijën të përqëndrohet dhe të shijojë një aktivitet të caktuar. Nga kjo heq dorë kollaj duke e ulur kështu motivimin për të marrë pjesë to.

Çfarë shenjash tregon fëmija kur ulet motivimi:

Izolohet nga shoqëria;
Refuzon të shkojë në shkollë;
Nuk bën detyrat shkollore;
Nuk ndjek kurset pas shkollës;
Nuk shpreh asnjë interes për hobi;
Lojrat e mëparshme nuk i duken më interesante;
Shpreh furstrim dhe zemërim kur i kërkohet të bëjë diçka
Shpreh mërzitje dhe në detyrat me të shkurtra dhe të thjeshta për t’i kryer.

Ulja e motivimit, nuk shoqërohet me mosmarrjen pjesë në aktivitete. Ulet dhe dëshira e tij për t’u përmirësuar, pasi ndihet i pashpresë.

Nëse fëmija juaj shfaq këto shenja, është momenti të kërkoni ndihmë profesionale për ta ndihmuar.

5. Ndryshime në gjumë ose në peshë

Ndryshime në gjumë

Çrregullimet e humorit mund të japin pa rehati jo vetëm gjatë ditës, por edhe gjatë natës. Pagjumësia dhe çrregullimet e humorit janë të lidhura ngushtë.

Dhe mund të funksionojë në të dy mënyra – humbja e gjumit mund të ndikojë në gjendjen shpirtërore, ose në këtë rast gjëndja shpirtërore ndikon tek gjumi.

Mund ta keni vënë re dhe në përditshmërinë tuaj kur një gjumë i keq, apo jo i mjaftueshëm, se si ju bën të ndiheni ditën tjetër.

Shenjat që shfaqen që në momentin e zgjimit të fëmijës, janë:

Nervozizëm;
Trishtim;
Ndihet pa energji;
Vështirësi në përqëndrim;
Zemërim i vazhduar;
Reagime me tendence konfliktuale;
Rritje të humorit negativ;

Pra, mungesa afatgjatë e gjumit, mund të ndikojë ndjeshëm në gjendjen shpirtërore.

Ndryshime në peshë

Shenjat që tregojnë se fëmija po humb/shton në peshë, si pasojë e luhatjeve të humorit, janë:

Nuk po han sa duhet

Uria mund të shkaktojnë sheqer të ulët në gjak – duke çuar në nivele të ulëta të energjisë dhe dhimbje koke.

Konsumimi i tepërt i yndyrnave dhe kalorive

Kalimi në ngrënie të tepërt të ushqimeve të dëmshme, vjen nga një kërkesë e pandërgjegjshme e trupit për t’i dhënë disa kënaqësi të vogla, për të ulur emocionet negative të momentit.

Niveli i lartë i sheqerit, shkakton rritje të stresit dhe zemërimit, duke i përforcuar më tej lëvizjet ekstereme të humorit.

6. Ankesa fizike

Dhimbja është e lidhur ngushtë me emocionet. Në fakt, dhimbja fizike dhe dhimbja emocionale ekzistojnë në pothuajse të njëjtin qark të sistemit nervor.

Për këtë arsye, nuk është për t’u habitur që prania e dhimbjes kronike shpesh shoqërohet me ndryshime emocionale.

Fëmija mund të ankohet vazhdimisht për:

Dhimbje koke;
Dhimbje stomaku;
Lodhje;

Kjo simptomë e ndryshimeve të humorit tek fëmijët, shfaqet si pasojë e simptomave të tjera si:

Pagjumësisë;
Problemeve me ushqimin;
Lodhjes si rezultat i ndryshimit emocional, me shpërthimet shoqëruese, etj,.

Aktivizimi i sistemeve komplekse të trurit si rezultat i shqetësimeve emocionale ose të humorit mund të ulë tolerancën e dhimbjes. Nga kjo, një fëmijë me çrregullime të humorit i përjeton dy herë më shumë dhimbjet fizike.

7. Shpërthime të zemërimit

Luhatjet e humorit shoqërohen më së shumti me shpërthime zemërimi, pavarësisht se gjendja tjetër është një llojë euforie gëzimi. Kur humori kalon në ekstrem, ato pësojnë një gjendje euforike që e nxjerrin përmes disa shenjave treguese.

Ato vijnë si më poshtë:

Shpërthime të rënda dhe të përsëritura të zemërimit;
Rritja e energjisë në momentin e shpërthimit;
Kanë përplasje në mendime;
I folur është i shpejtë;
Frymëmarrja u shpeshtohet;
Pësojnë skuqje;
Mund të kenë dridhje;
Mund të bëhen agresiv;
Nuk mund të menaxhojë zemërimin;

Humbja e energjisë ose lodhja janë karakteristike, pasi ka ndodhur shpërthimi. Duhet treguar një kujdes nga prindi apo kujdestari, pasi në këtë moment, fëmija ka tendenca më të larta vet-dëmtuese.

Konkluzion

Simptomat e ndryshimeve të humorit tek fëmijët, siç mund ta shikoni janë shumë të lidhura me njëra tjetrën, ose një simptomë nxit krijimin e simptomave të tjera.

Fëmijët shfaqin simptoma ndryshe, sipas moshës. Psikologët besojnë se çrregullimet e humorit tek fëmijët mbeten një nga problemet më të diagnostikuara.

Një çrregullim i humorit përfshin mendime, ndjenja të forta dhe të vështira për t’u menaxhuar. Çrregullimet e humorit që nuk diagnostikohen mund t’i vënë fëmijët në rrezik për krijimin e çrregullimeve të tjera, si