Grupi këshillimor sportiv thotë se aktiviteti në natyrë është jetik për shëndetin dhe bën thirrje që të ndryshohen rregulloret për të heshtur fqinjët që ankohen.
Banorët në Amsterdam një nga qytetet më të dendura të popullsisë së Evropës, të cilët ankohen për zhurmën e fëmijëve që luajnë, duhet të injorohen, sipas një grupi këshillimor sportiv, i cili thotë se aktiviteti në natyrë është jetik për shëndetin e fëmijëve.
Në këshillat e reja për lojërat në natyrë , Sportraad Amsterdam (Këshilli i Sportit i Amsterdamit) tha se rregullat duhet të ndryshohen në mënyrë që zhurma e fëmijëve që luajnë të mos jetë më një arsye e vlefshme për ankesë nga fqinjët e bezdisur.
“Sidomos në një mjedis urban si Amsterdami, zhurma e fëmijëve që luajnë është një pjesë e natyrshme, e dëshirueshme dhe e pashmangshme e jetës së përditshme. Komunikimi i bashkisë duhet ta pozicionojë zhurmën e fëmijëve që luajnë si një aspekt pozitiv dhe të shëndetshëm të qytetit”, thuhet në raport.
