Ka ardhur sezoni i plazhit dhe është shumë e rëndësishme që prindërit të marrin masa paraprake dhe të flasin me fëmijët e tyre për sigurinë në plazh dhe në pishina. Ndërsa një ditë relaksuese në plazh mund të jetë një çlodhje totale nga jeta plot tension e mbushur me kërkesa pune, praktika sportive dhe detyrime të tjera, ajo gjithashtu mund t’i joshë njerëzit në një ndjesi false të sigurisë.
Për fat të keq, ekzistojnë rreziqe të vërteta në plazhe për të qenë të vetëdijshëm dhe tragjedia mund të godasë në çdo moment nëse ju dhe familja juaj nuk jeni të përgatitur. Në fakt, rreziku i mbytjes është një shkak kryesor i shqetësimit, veçanërisht për fëmijët e vegjël.
Ndërsa shumica e mbytjeve ndodhin në pishina, rreziqet e pranishme në plazh janë ende të konsiderueshme. Mësoni më shumë nga idetë e mëposhtme se si mund ta përgatisni familjen tuaj për një ditë në plazh, si dhe se si të qëndroni të sigurtë sapo të arrini atje.
Përgatituni për në plazh
Pavarësisht nëse planifikoni një ditë në plazh, po shkoni për pushime, apo jetoni pranë detit, është një ide e mirë të flisni me fëmijët tuaj para kohe se çfarë do të thotë të jesh i kujdesshëm në plazh. Në këtë mënyrë, ka më shumë të ngjarë të keni vëmendjen e tyre.
Mos u gënjeni nga aftësitë e notimit
Të notosh në det është shumë më ndryshe sesa të notosh në një pishinë. Në fakt, duhet shumë më shumë aftësi dhe përpjekje fizike për të notuar në det sesa në komunitetin lokal ose pishinën e oborrit të shtëpisë. Plus, uji është më i errët me krijesa të gjalla dhe nuk ka shkallë ose mbajtëse anësore betoni për t’u kapur.
Për këtë arsye, nuk është e pazakontë që të vegjlit të përpiqen më shumë duke notuar në det. Ata gjithashtu mund të frikësohen nga fakti që valët i shtyjnë vazhdimisht dhe nuk mund ta shohin tokë poshtë.
Mund të jetë e dobishme, veçanërisht për fëmijët e vegjël, të marrin paraprakisht disa mësime noti mbijetese.
Për shembull, fëmijët e vegjël duhet të udhëzohen që kurrë të mos kthehen me kurriz nga deti. Ata kanë një shans më të mirë për të qëndruar në këmbë në valë të forta sesa nëse dallgët vijnë nga pas.
Për më tepër, noti me kurriz është një mënyrë e shkëlqyeshme që fëmijët të pushojnë nëse janë shumë larg dhe nuk mund të arrijnë në breg. Duke notuar, ata po u japin të rriturve kohë për t’u ardhur në ndihmë se të harxhojnë shumë energji duke shkuar askund.
Blini jelek shpëtimi
Nëse keni fëmijë të vegjël ose fëmijë parashkollorë, duhet të konsideroni të blini një jelek shpëtimi. Edhe pse me siguri do të jeni shumë afër të vegjëlve tuaj, është e lehtë të shpërqëndroheni ose edhe të vegjlit tuaj të enden në ujë kur ju ktheni shpinën qoftë edhe për pak.
Si pasojë, një jelek shpëtimi është një mënyrë për t’i mbrojtur ata. Vetëm sigurohuni që të zgjidhni një që i përshtatet fëmijës suaj dhe ta provoni atë në pishinë përpara se të drejtoheni në plazh, veçanërisht nëse kjo është hera e parë që fëmija juaj ka veshur një jelek shpëtimi.
Flisni për rrymat detare
Fëmijëve tuaj duhet t’u mësoni për rrymat detare. Deti gjatë paraditës është më i tërhequr dhe i cekët, ndërsa kur vjen pasditja fillon dhe thellohet. Duhet të keni parasysh baticat dhe zbaticat që ndodhin në ujërat detare, kështu që fëmijët tuaj të kenë kujdes dhe mos shkojnë shumë thellë.
Gjithashtu gjatë ditës ndodh që të ketë erë dhe deti të mbushet me dallgë, të cilat herë i tërheqin, herë i shtyjnë fëmijët në ujë, duke i zhvendosur nga vendndodhja fillestare kur hynë në fillim.
Zgjidhni plazhe që kanë roje shpëtimi
Nëse po e çoni familjen tuaj në plazh, mënyra më e mirë për të qëndruar të sigurtë është të zgjidhni plazhet me roje shpëtimi. Në Shqipëri gati çdo plazh ka roje shpëtimi, kështu që kjo është një mënyrë e mirë për të qenë më të qetë dhe të sigurtë ndërsa shkoni në plazh.
Mësoni fëmijët tuaj që t’ju marrin lejë
Shpesh herë, fëmijët e vegjël do të enden drejt ujit kur ju nuk jeni shumë të fokusuar tek ta. Kështu që mësoni fëmijët tuaj të mos futen në ujë pa pyetur më parë ju ose partnerin tuaj.
Vendosni kufij
Meqenëse rrymat e bregdetit gradualisht mund të lëvizin fëmijët brenda në det, ju duhet t’ju vendosni atyre kufij dhe t’u kërkoni që të qëndrojnë midis dy pikave ndërsa luajnë aty. Ju gjithashtu mund t’ju përcaktoni atyre se sa thellë të shkojnë. Mbështesni vendimin tuaj në atë se sa mirë fëmija juaj mund të notojë, si dhe sa të larta dhe të forta janë valët e detit.
Përdorni sistemin e “Shokut”
Asnjëherë nuk është ide e mirë të notosh vetëm. Për këtë arsye, inkurajoni fëmijët tuaj të notojnë me një shok. Për fëmijët e vegjël, ju padyshim që jeni shoku i tij.
Për fëmijët më të rritur, ata duhet të notojnë me vëllain/motrën ose një shok. Shumë herë, mbytjet ndodhin kur njerëzit notojnë vetëm. Por, kur noton me një shok, është një person tjetër i pranishëm për të sinjalizuar për ndihmë nëse është e nevojshme.
Mos harroni rolin tuaj
Ndërsa mund të jetë joshëse të mbyllni sytë dhe të dremisni, nëse keni fëmijë që luan në det, duhet ta vëzhgoni atë, edhe nëse është adoleshent.
Idealisht, ju duhet të jeni afër tij buzë detit kur ai luan me valët. Në disa situata, ulja në buzë të detit mund të jetë e përshtatshme për sa kohë që fëmija juaj është afër.
Vendosni krem dielli dhe pini shumë ujë
Ajo që mund të fillojë si një ditë e bukur, me diell në plazh, mund të bëhet shpejt katastrofike nëse nuk ndërmerrni hapa për të mbrojtur trupin e fëmijëve tuaj, si dhe trupin tuaj. Për të mbrojtur lëkurën tuaj dhe të tyren, zgjidhni një krem dielli me spektër të gjerë ose veshje që mbulon lëkurën.
Pastaj, sigurohuni që ta aplikoni sërish gjatë ditës. Gjthashtu duhet të siguroheni që ju dhe fëmijët tuaj të qëndroni të hidratuar. Sigurohuni që të merrni me vete ujë që të keni mundësi ta pini atë gjatë gjithë ditës.
